പേരയില അത്യുത്തമം

നിരവധി ഔഷധ ഗുണങ്ങൾ നിറഞ്ഞ ഒന്നാണ് പേരയില എന്നാണ് നമുക്കെല്ലാം അറിയാം. പേരയില ഇട്ട് തിളപ്പിച്ച വെള്ളം കൊണ്ട് നമ്മുടെ ആരോഗ്യം സംരക്ഷിക്കാം. പേരയില ആരോഗ്യ കാര്യത്തിലും സൗന്ദര്യ സംരക്ഷണ കാര്യത്തിലും ഒരുപോലെ ഫലപ്രദം ആണ്.

  ആൻ്റിഇൻഫ്ളമേറ്ററി , ആൻ്റി ഓക്സിഡൻ്റുകൾ, ആൻ്റി മൈക്രോ ബയൽ തുടങ്ങിയവയുടെ ഒരു കലവറ ആണ് പേരയില. വേദന സംഹാര ഗുണങ്ങൾ കൂടി നിറഞ്ഞ ഒന്നാണ് പേരയില.

പേരയിലയുടെ ചില ഗുണങ്ങൾ പരിചയപ്പെടാം.

🔵 പല്ല് വേദനയ്ക്ക് അത്യുത്തമം – 4,5 പേരയില ഇട്ടു തിളപ്പിച്ച വെള്ളം തണുക്കുമ്പോൾ അത്കൊണ്ട് പല്ല് വേദന ഉള്ള ഭാഗം കവിൾ കൊണ്ടാൽ പല്ലുവേദന വളരെ വേഗം മാറുന്നതായി കാണാം.

🔵 മുഖക്കുരുവും കറുത്ത പാടുകളും മാറാൻ – പേരയുടെ തളിരില എടുത്ത് നന്നായി അരച്ച് എടുക്കുക. ഇത് മുഖക്കുരുവും പാടുകളും ഉള്ള ഭാഗത്ത് പുരട്ടുക. 20 മിനുട്ട് കഴിഞ്ഞ് കഴുകിക്കളയാം.ആഴ്ചയിൽ 3 തവണ ഇങ്ങനെ ചെയ്യാവുന്നതാണ്.

🔵 ശരീര ഭാരം കുറയ്ക്കാം – പേരയില ഇട്ടു തിളപ്പിച്ച വെള്ളം ദിവസവും ഒരു ഗ്ലാസ്സ് കുടിച്ചാൽ ശരീര ഭാരം കുറയുന്നതാണ്. ശരീരത്തിൽ കൊഴുപ്പ് അടിഞ്ഞു കൂടുന്നത് കുറയ്ക്കാൻ പേരയില വളരെ അധികം സഹായിക്കും.

🔵 കൊളസ്ട്രോൾ കുറയ്ക്കുന്നു – പേരയില ഇട്ട് തിളപ്പിച്ച വെള്ളം ദിവസവും ഒരു ഗ്ലാസ്സ് കുടിക്കുന്നത് ചീത്ത കൊളസ്ട്രോൾ കുറച്ച് നല്ല കൊളസ്ട്രളായ HDL അളവ് കൂട്ടാൻ സഹായിക്കും.അത് കൂടാതെ കരളിൽ നിന്ന് മാലിന്യങ്ങളെ പുറന്തള്ളാനും സഹായിക്കുന്നു.പ്രമേഹം നിയന്ത്രിക്കുന്നു – രക്തത്തിലെ ഗ്ലൂക്കോസിൻ്റെ അളവ് കുറച്ച് പ്രമേഹം കുറയ്ക്കാൻ പേരയില സഹായിക്കുന്നു.

🔵 ദഹനം എളുപ്പമാക്കുന്നു – പേരയിലയിൽ അടങ്ങിയിരിക്കുന്ന ആൻ്റി ബാക്റ്റീരിയൽ പ്രവർത്തനം കുടലിലെ ബാക്റ്റീരിയകളെ നിർവീര്യമാക്കി ദഹനം വളരെ എളുപ്പമാക്കും.

🔵 മുടി കൊഴിയുന്നതിന് പരിഹാരം – പേരയില ഇട്ട് തിളപ്പിച്ച ആറിയ വെള്ളത്തിൽ മുടി കഴുകുന്നത് മുടി കൊഴിച്ചിലും താരനും കുറയ്ക്കാൻ സഹായിക്കും.