Posts in category: Malayalam Recepies

ചേരുവകൾ

എല്ലുള്ള മട്ടൻ – 500 ഗ്രാം

ചുവന്നുള്ളി – 250 ഗ്രാം

ഇഞ്ചി – 1 കഷ്ണം (1/2 ഇഞ്ച് നീളത്തിൽ)

പച്ചമുളക് – 5

വെളുത്തുള്ളി – 10 എണ്ണം

കുരുമുളക് – 20 എണ്ണം

കറുവപ്പട്ട – 2 കഷ്ണം (1/2 ഇഞ്ച് നീളത്തിൽ)

ഗ്രാമ്പൂ – 5

പെരുംജീരകം – 1/4 ടീസ് സ്പൂൺ

തക്കാളി – 2 ചെറുത്

ഉരുളക്കിഴങ്ങ് – 2 ( നീളത്തിൽ അരിഞ്ഞത്)

സവാള – 2 ( നീളത്തിൽ അരിഞ്ഞത്)

ഉപ്പ് – പാകത്തിന്

എണ്ണ – ആവശ്യത്തിന്

    പാകം ചെയ്യുന്ന വിധം

🔵 മട്ടൻ കഷ്ണങ്ങൾ ആക്കി കഴുകി വൃത്തിയാക്കി വയ്ക്കുക.

🔵 ചുവന്നുള്ളി, ഇഞ്ചി, പച്ചമുളക് ഇവയെല്ലാം ഒന്നിച്ച് ചതച്ച് വെയ്ക്കുക.

🔵 വെളുത്തുള്ളി, കുരുമുളക്, കറുവപ്പട്ട, ഗ്രാമ്പൂ, പെരുംജീരകം ഇവയെല്ലാം നന്നായി അരച്ച് എടുക്കുക.

🔵 ഇറച്ചിയും ചതച്ച് വെച്ച ചേരുവകളും അരച്ചെടുത്ത ചേരുവകളും തക്കാളി ചെറുതായി അരിഞ്ഞതും പാകത്തിന് ഉപ്പും വെള്ളവും ചേർത്ത് നന്നായി ഇളക്കി യോജിപ്പിച്ച് പ്രഷർ കുക്കറിൽ വേവിച്ച് എടുക്കുക.

🔵 ഒരു ചീനച്ചട്ടിയിൽ ആവശ്യത്തിന് എണ്ണ ഒഴിക്കുക. ഇതിൽ സവാളയും ഉരുളക്കിഴങ്ങും വറുത്ത് കോരുക.ഇതേ എണ്ണയിൽ വെന്ത ഇറച്ചി കഷണങ്ങൾ മാത്രം ഇട്ട് വറുത്ത് കോരുക.

🔵 വേറൊരു ചീനച്ചട്ടിയിൽ വറുത്ത് എടുത്ത എണ്ണയിൽ നിന്ന് കുറച്ച് എടുക്കുക.ഇതിലേക്ക് വെന്ത ഇറച്ചിയുടെ ചാറ് ഒഴിച്ച് തിളപ്പിക്കുക.ഇത് നന്നായി കുറുകി വരുമ്പോൾ വറുത്ത ഇറച്ചി കഷണങ്ങൾ ഇട്ട് ഇളക്കുക.

🔵 വിളമ്പും മുമ്പ് ഇതിലേക്ക് വറുത്ത സവാളയും ഉരുളക്കിഴങ്ങും ഇറച്ചിയുടെ മുകളിൽ ഇട്ടു വിളമ്പുക.